Zbulohen të tjera detaje nga arratisja e dy shqiptarëve nga burgu grek i Avlonës, i cili ndodhet në periferi të Athinës.
Mediat greke raportojnë se shqiptarët janë arratisur nga pjesa e guzhinës, ndërsa ata kanë goditur edhe rojen e burgut para se të kalojnë rrethimin.
Një patrullë ka tentuar t’i ndalojë duke qëlluar në ajër në formë paralajmërimi, por pa mundur të realizojë kapjen e tyre.
Të dy shqiptarët vlerësohen me rrezikshmëri të lartë, ndërsa ata janë të moshës rreth 22 vjeç.
