Një rast i ngjashëm me skandalin e vëllait të Elisa Spiropalit dhe shumë e shumë zyrtarëve të tjerë të lartë që ‘udhëheqin’ Shqipërinë, ka bërë bujë gjatë ditëve të fundit. Sipas mediave britanike, drejtoresha e shkollës së Kishës së Anglisë, duke përfituar nga pushteti i saj i ka akorduar fondin për ndërtimin dhe rikonstruksionin e shkollës bashkëshortit të saj. Ky akt e ka kthyer drejtoreshën automatikisht në një shkelëse ligji duke e pushuar nga puna sëbahsku me bashkëshortin e saj.
Ndërkohë, në një botë tjetër, shumë larg rregullit dhe respektimit të ligjit, në Shqipëri, aferat korruptive dhe nepotizmi që sundon vendin, jo vetëm që ndodhin në ditë me diell, por edhe dekorohen duke bërë që askush nga ata që thyen dhe shkel ligjin me të dyja këmbët, të mos dënohet. Skandalin e Spiropalit dhe vëllait të saj Boldnews.al e ka pasqyruar me fakte dhe dokumenta ndërkohë që vetë Spiropali e mohoi.
Këtë paralelizëm e ka sjellë në pah Abi Malltezi, i cili përmes një statusi në Facebook ka ballafaquar dy realitete sa të njëjta për qënien njerëzore aq edhe të ndryshme për sistemin që na qeveris.
