Pesë raste të reja të diagnostikuar me HIV/AIDS janë konfirmuar në qarkun e Elbasanit për 4-mujorin e parë të vitit 2019.
Mjekët shtojnë se më të prekur janë meshkujt.
Elena Bibaja, përgjegjëse e sektorit të HIV/AIDS pranë ONVKP u shpreh për RTV Ora se fëmijë nën moshën 15 vjeç janë 44 të infektuar me HIV.
Sipas saj, të rinj që i përkasin grup moshës nga 16-24 vjeç janë 120 raste me HIV dhe të rritur 1041 persona të infektuar me virusin HIV.
Veç virusit të HIV-it janë edhe disa sëmundje të tjera ngjitëse të cilat në rast të moskujdesjes mund të shkaktojnë probleme serioze me shëndetin.
“Hepatiti B është mjaftë i përhapur në popullatë, Hepatiti C, gjithashtu edhe sifilizi që kryesisht merret nga marrëdhënie seksuale të pambrojtura”, shprehet ajo.
Viti 2018 shënoi në total një numër prej 65 personash të prekur nga virusi i HIV/AIDS, nga këto 45 raste meshkuj dhe 25 femra.
