Rreth 1500 qytetarë janë nisur nga Korca e Pogradeci drejt Tiranës për të marrë pjesë në protestën që do të nisë rreth orës 19:00, ku protestuesit do të ndalen para godinës së Kryeministrisë.
Ndërkohë nga Elbasani raportohet se janë nisur mbi 1500 qytetarë, shumica e të cilëve me automjete private, duke shmangur në këtë mënyrë bllokimet nga policia.
Dega e PD-së në Elbasan bëri të ditur se janë nisur nga ky qytet mbi 250 automjete private, ndërkohë që një pjesë tjetër e protestuesve janë në orët e mesditës drejt Tiranës, duke shmangur në këtë mënyrë presionin dhe dhunën policore.
Në protestat e fundit të organizuara nga opozita, policia ka gjobitur deri me 700 mijë lekë drejtuesit e mjeteve vetëm se transportonin qytetarë që protestonin.
Nga dega lokale e PD-së mësohet se policia ka shoqëruar rreth 20 të rinj, të cilëve i ka bërë presion për të mos marrë pjesë në protestë.
