Të paktën tetë vetë u vranë në dy ditë trazirat paszgjedhore në Indonezi, Xhakarta, ndërsa qindra kërkuan kujdes mjekësor, tha administrata e qytetit të enjten.
Guvernatori i Xhakartas, Anies Baswedan zbuloi numrin përfundimtar të viktimave, pasi situata tashmë është qetësuar disi.
“Numri më i fundit i vdekjeve është tetë vetë,” tha ai. “Sipas orës 11 të mëngjesit sot, 737 persona kanë marrë trajtim mjekësor në spitale në këtë zonë.” Ai shtoi se të paktën 79 prej këtyre njerëzve ishin plagosur rëndë.
Personat që ishin më shumë të plagosur i përkisnin grupmoshës 20-29 vjeç.
“Grupi më i madh i trajtimit mjekësor ishte 294 njerëz të moshave 20-29 vjeç, të ndjekur nga 170 persona nën moshën 19 vjeç. Pra, numri i adoleshëntëve është mjaft i lartë”, shtoi ai.
Anies nuk pranoi të zbulojë shkaqet e vdekjeve mes hetimeve të vazhdueshme të policisë.
Të shtunën vonë, zëdhënësi i policisë së Xhakartës, Sr. Comr. Argo Yuwono tha se katër nga viktimat e trazirave kishin vdekur nga plagët e goditjeve. Policia po kontrollon shkakun e vdekjes së viktimave të tjera dhe thellimin e hetimeve të tyre në tre trazirat që shpërthyen në Xhakarta Qendrore dhe Xhakarta Perëndimore.
Protestat erdhën si pasojë ku opozita nuk ka pranuar zgjedhjet që u fituan nga Joko Widodo me 55.5 % duke u rizgjedhur.
Rivali i tij Prabowo Subianto, një ish-komandant i forcave speciale, refuzoi të pranojë rezultatin e zgjedhjeve, duke pretenduar për mashtrim të përhapur në zgjedhje, por pa dhënë asnjë dëshmi për të mbështetur këto pretendime.
Sondazhet nga mediat sociale tregojnë shtrirjen e trazirave brenda natës dhe ashpërsinë e dhunës në disa zona.
