Kryetari i Grupit Parlamentar të Partisë Socialiste, Taulant Balla ka zhvilluar sot takime para-elektorale në Belsh dhe Cërrik.
Kriza politike/ Meta bën deklaratën e fortë: Gati të ndryshoj datën e zgjedhjeve
Nga Cërriku Balla u shpreh se më 31 Maj starton fushata elektorale dhe se duhet të zhvillohet një fushatë e qetë dhe të komunikohet me njerëzit, duke i dhënë kështu përgjigje deklaratës së Presidentit të vendit, Ilir Meta, ku tha se është i gatshëm për të ndryshuar datën e zgjedhjeve.
“Zhvillimi i zgjedhjeve me 30 Qershor është afat Kushtetues dhe nuk e luan topi. Kush do të tentojë të pengojë qoftë edhe një qendër votimi do të hasë në forcën e ligjit”, ka thëne Balla.
Ndërkohë opozita, që nesër zhvillon protestës e gjashtë kombëtare ku kërkon largimin e Ramës, mbetet e vendosur në kushtet e saj: dorëheqjen e kryeministrit dhe krijimin e një qeveria tranzitore për të garantuar kushtet për zgjedhje të lira e të ndershme.
