Kryetari i Partisë Demokratike Lulzim Basha ka reaguar lidhur me protestën e nesërme përmes një shënimi në Facebook. Basha fton të gjithë shqiptarët në protesten e nesërme ne Tiranë.
“25 Maj – Shqipëria si Europa!
Të gjithë në Tiranë nesër, më 25 maj në orën 19:00, për të treguar vendosmërinë tonë për liri, për demokraci, për zgjedhje të lira e një qeveri nga populli, të popullit dhe për popullin, për Shqipërinë si e gjithë Europa. Asnjë hap pas! #25maj #ShqipëriaSiEuropa”, shkruan kryeopozitari, duke shpërndarë edhe një video.
Pasditen e nesërme zhvillohet protesta e gjashtë kombëtare në Tiranë e opozitës. Një protestën që vjen në kullim e një krize politike, që ende nuk po gjen një zgjidhje. Opozita kërkon largimin e Edi Ramës nga drejtimi i qeverisë dhe një qeveri tranzitore për të garantuar zgjedhje të lira e të ndershme. Ndërkohë, kryeministri Edi Rama shprehet i vendosur se zgjedhjet do të zhvillohen më 30 qershor, edhe pse opozita nuk është regjistruar.
Këtë të premte, Presidenti Ilir Meta deklaroi se është i gatshëm të ndryshojë datën e zgjedhjeve për ti dhënë fund krizës politike. /bn/
https://www.facebook.com/lulzimbasha.al/videos/vb.166424440075412/1355645974589277/?type=2&theater
