Dy autobus elektrikë do të qarkullojnë në Zvicër pa shofer. Kjo teknologji e fundit po përdoret për herë të parë në Zvicër ku autobusët vetëlëvizës kanë dalë në qarkullim.
Autobusët elektrikë, të cilët lëvizin me një shpejtësi maksimale 20 km në orë, janë testuar në muajt e fundit në hapësira private, ndërsa tani janë vënë në qarkullim në mes të qendrës së qytetit dhe stacionit të trenit. Autobusët kanë ajër të kondicionuar si dhe një bateri të dytë, që i bën të lëvizin mes gjashtë dhe dymbëdhjetë orëve pa rimbushje. Ata janë të pajisur me 11 ulëse dhe janë lehtësisht të arritshëm nga njerëzit.
