Mësohet se drejtësia italiane ka kërkuar ekstradimin e Hajri Seferit. Seferi është i arrestuar në sajë të operacionit “Vol- Vo 4”, dhe cilësohet si kreu i bandës së Shijakut.
Seferi është i akuzuar si i përfshirë edhe në dosjen 339.
Po të njëjtat burime, bëjnë me dije se kundër këtij vendimi ka dalë vetë Seferi dhe avokati i tij, pasi sipas tyre, Seferi po hetohet nga drejtësia shqiptare dhe jo nga ajo italiane.
Avokati i Seferit ka depozituar një ankimim në gjykatën e Apelit në Durrës, dhe pritet vendimi i këtij organi për të parë çfarë do të ndodhë me ‘fatin’ e Hajri Seferit.
Ai ishte shpallur nga shteti italian në kërkim ndërkombëtar për trafik droge dhe organizim të një grupi të strukturuar kriminal.
