Lidhur me debatin e publikimit të informacioneve dhe dosjeve sekrete, deputeti Spartak Braho ka reaguar gjatë fjalimit në Kuvendin e Shqipërisë, duke iu drejtuar së pari ministrit Lleshaj. Ai i ka tërhequr vëmendjen atij dhe kabinetit të ministrisë për shpërdorim detyre ku sipas tij ministria është kthyer në një han që hyn e del çdo njeri e ku mund të merren informacione të çdo natyre.
“Zoti ministër, bëni mirë që jeni të hapur për të studiuar krimet e komunizmit dhe dosjet e asaj kohe, por kini parasysh se ka një ligj që ju e njihni shumë mirë. Ju e dini shumë mirë se në atë ministri dhe në zyrat e shtetit ka informacione të klasifikuara dhe përbëjnë sekret shtetëror. Kështu që, ju këshilloj të mos e ktheni ministrinë në han ku kërcen tërë mileti e lexon çdo gjë. Se i keni ju aty nja dy hajdutë zyrash, Dervishi dhe Kaloçi që nxirrni informacionet e shtetit,” u shpreh Braho.
