Puntori i ndërtimit, 48 vjeçari që humbi jetën ditën e djeshme në punë, është Aleksandër Jaku. Shtetasi shqiptar, jetonte prej vitesh në Itali bashkë me bashkëshorten dhe dy vajzat e tij adoleshete, 17 dhe 21 vjeç.
Tanimë kjo familje do të duhet të jetojë me tragjedinë e humbjes së kryefamiljarit dhe njeriut të tyre të dashur. Ndërkohë që kolegët dhe punëdhënësi i tij u shprehën të shokuar nga kjo ngjarje. ‘Për mua ka qenë si vëlla,’ u shpreh djali i pronarit të firmës së ndërtimit.
Sipas njoftimit nga mediat italiane, mësohet se Jaku rrëshqiti nga çatia e ndërtesës duke rënë nga 5 metra lartësi. Ngjarja e rëndë ndodhi pak pas orës 08:00 të mëngjesit gjatë ditës së martë, 21 maj 2019.
Alarmi u dha nga kolegët e tij. Pavarësisht mbërritjes së ambulancës, 48-vjeçari nuk mundi t’i mbijetonte plagëve të marra dhe ndërroi jetë. /bn/
