Pas sherrit mes Jamarbër Malltezi dhe Taulant Ballës në aeroportin e Romës, ky i fundit e ka denoncuar duke e akuzuar se e ka dhunuar fizikisht.
Sipas policisë, deputeti i PS-¬së ka depozituar një denoncim për Malltezin, ku e akuzon për fyerje dhe goditje fizike, por pa dhënë detaje të tjera rreth asaj që ka ndodhur.
“Panorama Online” tentoi të kontaktonte me të dy personat e përfshirë në këtë ngjarje, si me Ballën, si denocnues, edhe me Malltezin, si i denoncuar, por asnjë prej tyre nuk u përgjigj. Mësohet se ngjarja ka ndodhur në aeroportin “Leonardo da Vinçi” të Romës, ku palët janë konfliktuar.
Ndërkohë që Balla me të mbërritur në aeroportin e Rinasit ka bërë denoncimin për Mallzetin në komisariatin e aeroportit.
