Pas darkës së shtruar nga kryeministri Rama, djemtë e Kombëtares kanë shkuar në një prej lokaleve të natës në Tiranë ku janë gjendur mes alkoolit dhe femrave të panjohura.
Ndryshe nga festimet e mëparshme, kur djemtë e Kombëtares rrethoheshin nga vajzat VIP, apo ato që kryesojnë rrjetet sociale për format seksi, këtë herë janë argëtuar në prani të vajzave të panjohura. Edhe pse fillimet e festës mund të konsideroheshin paksa nxemje për futbollistet seksi të Kombëtares, me kalimin e kohës ata shtonin dozën e alkoolit dhe të çlirimit nga serioziteti.
Panorama Plus ka mundur t’i fotografojë në momente të vërteta shfrenimi. Të dehur, jo vetëm nga alkooli, por edhe nga femrat. Sulmuesi Armando Sadiku, autori i golit me Rumaninë, ka qenë ai më i lakmuari nga vajzat e pranishme, të cilat dukej se ishin vënë në garë gjatë mesnatës se kush më shumë e kush më pak ta bënte për vete. 25vjeçari nga Elbasani është treguar i kujdesshëm në afrimitetin me to, pavarësisht ndonjë gote alkool më shumë.
Edhe për faktin se ai ra pre e thashethemeve për lidhje të fshehtë me vajzën modele të ndihmëstrajnerit italian, Paolo Tramezzani.
