Një aksident automobilistik ka ndodhur pasditen e sotme në aksin rrugor Fier-Patos.
Një automjet ka dal nga rruga në afërsi të kthesës së Portëzës dhe si pasojë janë plagosur dy gra. Automjeti ka rënë në kanalin anësor të rrugës.
Dy të plagosurit janë dërguar në spitalin e Fierit për të marrë shërbimin shëndetësor dhe ndodhen jashtë rrezikut për jetën
Shkak dyshohet të jetë parakalimi i gabuar i një automjeti tjetër që e ka detyruar të devijojë.
Njoftimi i Policisë
Në aksin rrugor Fier – Patos, në vendin e quajtur “Portëz” mjeti tip “Volkswagen” me drejtues shtetasin M.M, 30 vjeç, banues në Patos është përplasur me mjetin tip “Benz” me drejtues shtetasin A.G, 25 vjeç, banues në Roskovec.
Si pasojë e përplasjes janë dëmtuar pasagjeret në mjetin tip “Volkswagen”, shtetaset E.M, 77 vjeçe dhe D.M, 52 vjeçe të cilat ndodhen nën kujdesin e mjekëve në Spitalin Rajonal Fier jashtë rrezikut për jetën.
Grupi hetimor po punon për dokumentimin ligjor dhe sqarimin e rrethanave të ngjarjes.
