Pas reperes Loredana Zefi e cila u bë ‘popullore’ në gazetat zvicerane dhe shqiptare javës së shkuar, pasi kishte vjedhur rreth 1 milion franga si “avokate”, policia zvicerane ka zbuluar një rast të dytë të një mashtrueseje, kësaj radhe e paraqitur si mjeke. Kosovarja I.K e lindur në Zvicër është arrestuar nga policia pasi ka arritur të vjedhë mbi 200.000 franga zvicerane klientëve zviceranë dhe shqiptarë, sipas agjensisë “Presheva jonë”, e cila iu referohet burimeve të policisë dhe medias zvicerane.
I.K një mjeke e rreme kishte mashtruar fqinjët e saj. Një sipërmarrës në Schaffhausen thotë se i dha më shumë se 200,000 franga një gruaje të re, e cila e bëri atë të besonte se ajo po punonte si “mjeke”. Asaj, shkruan ‘Presheva jonë’ i është bërë marketing si “doktoreshë” nga një portal me emrin “Albinfo” (“Un portail d’informations albanais a dressé le portrait de la fausse doctoresse“). Por pas zbulimit të Policisë, ku del se kosovarja ishte mjeke e rreme, Albinfo ka tërhequr shkrimin ku e kishte lavdëruar.
Sipas gazetes “20Minuten” kjo kosovare, nuk bënte asgjë me shume se luante rolin e “mjekes” duke i vjedhur viktimat e saj dhe për këtë përdorte edhe sharmin e saj duke qenë se ishte një 36 vjeçare e hijshme.
