Ish-ambasadori Mal Berisha ka reaguar në rrjet pas dorëheqjes së kancelarit austriak Sebastian Kurz.
Ai i ka drejtuar disa pyetje Komisionerit për Zgjerimin Johannes Hahn.
“Pas dorëheqjes së Kancelarit Austriak, Sebastian Kurz kam një pyetje për Johannes Hahn, politikani austriak dhe komisioneri i BE që mbikqyr Shqipërinë: Komisioneri!
Cili është mendimi juaj për dorëheqjen e kancelarit të vendit tuaj, Sebastian Kurz? Si një austriak, dhe një qytetar evropian, a jeni dakord me vendimin e tij, apo e kundërshtoni atë?
Nëse po, pse mbani një pozitë të ndryshme dhe një standard të dyfishtë sa i takon Shqipërisë?”, shkruan mal Berisha.
Kancelari austriak Sebastian Kurz dha dorëheqjen nga posti pas publikimit të një video-skandali, ku përfshihej zv.kryeministri.
“Nuk erdha në pushtet për karrigen time. As për të përmbushur një ego. Erdha për të dhënë ndihmesën për Austrinë, por unë nuk mund të qëndroj në pushtet në këtë situatë prandaj, sot jap dorëheqjen dhe thërras zgjedhje të parakohshme,” tha Kurz.
