Skënderbeu vijon përgatitjet anti-Kukësi. Në kushtet kur fitorja është kthyer në domosdoshmëri për zonën “Euro”, stafi teknik është duke punuar në të gjitha drejtimet për të pasur gati ekipin në këtë transfertë delikate.
Orges Shehi ka marrë në dorë videot e ndeshjeve të fundit të skuadrës të tij dhe mbi bazën e tyre ka përgatitur edhe analizën. Janë gjykuar jo vetëm rastet e vendosjes gabim, por edhe pikat e dobëta të Skënderbeut, të cilat duhet të rikuperohen deri të shtunën.
Trajneri ka nxjerrë në pah lehtësinë, me të cilën korçarët pësojnë në një ndeshje. Ndërsa, nga ana tjetër, është ndalur edhe te fuqia goditëse e portës. Pjesë, në të cilën numri një i pankinës korçare kërkon më shumë agresivitet nga ekipi.
