Shtetasi me iniciale H.XH. 41 vjeç është arrestuar nga blutë e Sarandës pas një kontrolli të gjatë. 41 vjeçari kërkohej nga policia pasi në 2015 ishte dënuar me 12 vite burg në shtetin grek për trafikim lëndësh narkotike.
Njoftimi i Policisë
Në vijim të punës hetimore për kapjen e personave në kërkim, Policia ka bërë të mundur kapjen e dy prej tyre të dënuar me 12 dhe 3 vite burg.
Sarandë, Policia ka bërë kapjen dhe ndalimin e shtetasit të shpallur në kërkim, H.Xh., 41 vjeç, banues në fshatin Bregas, Finiq.
Shërbimet e Policisë në vijim të punës hetimore dhe kontrolleve të territorit kanë bërë kapjen dhe ndalimin e tij pasi Gjykata e Rrethit Gjyqësor Sarandë i ka vendosur masën e sigurisë “Arrest në burg”.
Gjykata e Sarandës ka vendosur paraprakisht masën e sigurisë “Arrest me burg” për arsye të njehsimit të vendimit të Gjykatës Greke e cila në vitin 2015 ka dënuar këtë shtetas me 12 vite burg për veprën penale “Trafikimi i narkotikëve”.
