Një market është grabitur në lagjen 5 maji në Elbasan, ndërsa dyshohet se shuma që është marrë të jetë rreth 200 mijë lekë të reja, që kanë qenë grumbulluar gjatë ditës.
Ngjarja ka ndodhur pak pas mesnate, dhe paratë që janë marrë gjendeshin në kasë. Mësohet se autorët kanë dëmtuar qepenin e dyqanit dhe më pas kanë hyrë në ambientet e brendshme të tij, ku kanë marrë dhe paratë.
Policia dyshon se në ngjarje kanë marrë pjesë dy autorë, ndërsa janë duke u kqyrur kamerat e sigurisë të marketit, po edhe të disa bizneseve të tjera përrreth.
Vjedhjet janë kthyer në një fenomen mjaft shqetësues kohët e fundit, dhe kjo ka bërë që te qytetarët të rritet pasiguria.
