Një person ka mbetur i vdekur dhe dy të tjerë janë palosur në një aksident rrugor të ndodhur pasditen e sotme në aksin Levan-Tepelenë.
Drejtuesi i një mjeti tip “Benz”, Shkëlqim Bregu 58 vjeç, (banues në Përmet) i cili lëvizte i vetëm me makinë, ka ndërruar jetë nga përplasja e autoveturës me një tjetër mjet tip furgon. Në furgon ndodheshin dy persona të cilët kanë mbetur të plagosur dhe janë nisur drejt spitalit Rajonal të Fierit, për të marrë ndihmë mjekësore. T.H, 32 vjeç, dhe E.C., 35 vjeç, të dy banues në Tiranë kanë mbetur të plagosur.
“Sot rreth orës 15:10, në aksin rrugor Levan-Tepelenë, në vendin e quajtur ‘Gurorja e Kremenarit’ janë përplasur automjeti tip ‘Benz’ me automjetin tip furgon. Si pasojë e përplasjes ka ndërruar jetë drejtuesi i mjetit tip “Benz” si edhe janë dëmtuar 2 pasagjerët në mjetin tip furgon të cilët janë transportuar në Spitalin Rajonal Fier. Grupi hetimor po punon për identifikimin e viktimës dhe 2 të dëmtuarve si dhe për sqarimin e plotë të rrethanave të ngjarjes”, njoftoi Policia.
Një ditë më parë, tre persona humbën jetën në një aksident të ndodhur të dalje të Kavajës.
/bn/
