Dy kamionistë shqiptarë 30 e 44 vjeç u arrestuan në Portin e Barit në Itali me akuzën e trafikut ndërkombëtar të drogës.
Gjatë kontrollit në doganën e portit të Barit në automjetin e tyre që vinte nga Holanda me destinacion Shqipërinë, u gjetën rreth 7 kg kokainë e mbi 150 mijë euro kesh.Kamioni transportonte patate të ngrira nga Holanda në Shqipëri e tranzitonte përmes portit të Barit.
Lënda narkotike së bashku me paratë ishin fshehur në një vend të modifikuar enkas në kabinën e shoferit. Kokaina ishte e konfeksionuar në 6 pako ndërsa paratë kesh ishin në prerje 20 e 50 euro.
Dy shtetasit shqiptarë janë vënë në pranga e janë në dispozicion të autoriteteve gjyqësore italiane në burgun e Barit.
