Një tjetër rast dështimi me përfaqësimin e Shqipërisë në Eurovizon. Në fakt si në çdo eveniment tjetër shqiptarët që duhet të përfaqësohen duke dhënë intervista të shumta apo konferenca për shtyp, lënë gjithnjë gjurmë qesharake me gjuhët e huaja. Paçka se jemi një ndër popujt që flasim më shumë gjuhë të huaja, kur është rasti për ti treguar njohuritë ‘ngelim në klasë’.
Sic ndodhi edhe në rastin e Eneda Tarifës gjatë përfaqësimit në këtë kompeticion, gjatë mbrëmjes së djeshme edhe Jonida Maliqi pati një intervistë të sikletshme ku duke u munduar të dukej sa më spontane, harroi edhe fjalët. Për këtë arsye edhe rrjeti nuk e kurseu aspak as artisten e madhe e cila këtë rradhë është bërë virale në internet me videot e saj të intervistave.
