Kryeministri Edi Rama tha se nuk i rezulton të ketë dalë ndonjë përgjim për Vangjush Dakon, por kanë dalë disa përgjime duke u thyer sekreti hetimor për një grup criminal, dhe mes tyre ka edhe referenca apo komunikime që nuk tregojnë asgjë për Dakon.
Rama solli në vëmendje rastin e Sajmir Tahirit, që sipas tij, u kërkua burgosja brenda 24 orësh, sepse disa horra u kapën duke bërë muhabete mes tyre.
“Zëvendësimi i Dakos në Durrës dhe Sejdinit në Elbasan, është kërkesë e tyre prej kohësh. Ishin 12 vjet në krye të bashkive, janë shumë, konsum i madh, dhe nevoja për të sjellë të rinj në krye, është evidente”, tha Rama, duke sqaruar arsyen pse nuk rikandidoi në Elbasan dhe Durrës kryebashkiakët aktualë.
Rama pohoi se në 30 qershor nuk ka garë, pasi s’ka kandidatë, ose do të ketë garë atje ku mund të dalin disa kandidatë të tjerë.
