Analisti Kastriot Myftaraj përmes një postimi në rrjetet sociale ka “shpërthyer” për mënyrën sesi po reagon Policia e Shtetit e drejtuar nga Ardi Veliu ndaj protestave të opozitës.
Më konkretisht Myftaraj ndalet te përdorimi i gazit kundër qytetarëve, madje bën edhe një krahasim kur thotë se qytetarët shqiptarë po trajtohen nga policia, njëlloj sikundër ushtria turke, sillet me kurdët.
“Nuk është e vështirë të merret me mend se çfarë mësoi Ardi Veliu në Turqi, kur për Policinë dhe Ushtrinë Turke, qytetarët kurdë shihen sikur të jenë insekte të dëmshme, ndaj të cilëve mund të përdoren jo gazra lotsjellës sic bëhet në botën demokratike ndaj protestuesve, por gazra që i përkasin llojit të armëve kimike të zbutura, të llogaritur për të mos shkaktuar vdekje të menjëhershme, por që shkaktojnë dëme ndjeshëm më të rënda se gazrat për përdorim policor”, shkruan Myftaraj.
Postimi i Kastriot Myftaraj
Si e dërgoi PD-ja në 1994 Ardi Veliun në shkollën policore në Turqi, ku u bë specialist i gazrave helmuese të përdorur kundër kurdëve
Në vitin 1994 djaloshi 22 vjeçar Ardi Veliu, sot Drejtor i Përgjithshëm i Policisë së Shtetit, i cili pas mbylljes së përkohshme të shkollës së lartë ushtarake kishte kaluar në Akademinë e Rendit Publik, donte të shkonte të studionte për oficer policie në Turqi. Meqënëse si student ishte i dobët gjeti një mik që të ndërhynte, apo të lobonte për të, sic thuhet sot. “Miku” ishte Leka Toto, Sekretari i Përgjithshëm i PD-së, që në atë kohë ishte në pushtet. Totoja ndërhyri te Ministri i atëhershëm i Rendit Publik, Agron Musaraj, që ky të ndërhynte në Ambasadën e Turqisë në Tiranë, që të shtohej një emër në listën e studentëve që do të shkonin atë vit në akademitë policore turke.
Nga Ambasada Turke iu kthyen përgjigje se për atë vit mund të siguronin një bursë studimore për një oficer policie të specializuar për përdorimin e gazrave kimike në guerriljet urbane, në qytetet me prani të terroristëve. Ishte fjala për qytetet e banuar kryesisht nga kurdët. Ardi Veliu pranoi dhe shkoi në Turqi ku studioi për oficer policie në vitet 1994-98.
Nuk është e vështirë të merret me mend se çfarë mësoi Ardi Veliu në Turqi, kur për Policinë dhe Ushtrinë Turke, qytetarët kurdë shihen sikur të jenë insekte të dëmshme, ndaj të cilëve mund të përdoren jo gazra lotsjellës sic bëhet në botën demokratike ndaj protestuesve, por gazra që i përkasin llojit të armëve kimike të zbutura, të llogaritur për të mos shkaktuar vdekje të menjëhershme, por që shkaktojnë dëme ndjeshëm më të rënda se gazrat për përdorim policor.
Tani Ardi, apo Arda siç e quanin në Turqi, specialitetin që mësoi atje po e përdor kundër PD-së, duke shndërruar Tiranën në Dijarbakirin e ditëve më të këqija. Ardi nuk po i trajton si kurdë vetëm mbështetësit e PD-së, por edhe edhe qytetarët e Tiranës që janë me banim në një zonë të gjerë përreth vendmbajtjes së protestave. Kjo ndodh sepse Ardi përdor konceptin e zonës operacionale të gjerë, që synon t’ i terrorizojë protestuesit./Kastriot Myftaraj
