Dhuna ndaj sekretarit organizativ të PD, Sahit Dollapi ka qenë e diskutimit në studion e lajmeve në Ora News mes analistit Enton Abilekaj dhe zv/ministrit të Brendshëm, Besfort Lamallari.
Sipas Abilekajt, Dollapi u trajtua nga një grup policësh si kriminel. Ndërsa zv/ministri Lamallari ka bërë një deklaratë sa qesharake aq dhe habitëse duke u shprehur se, zyrtari i opozitës nuk kishte pse të vraponte.
Pjesë nga debati
Enton Abilekaj: Ngjarja e sekretarit organizativ të PD është një ngjarje e një skuadre policësh që e trajtojnë atë si kriminel, sikur e kanë kapur në flagrancë.
Besfort Lamallari: Nuk qëndron, kjo nuk qëndron. Ju e patë që jo të gjithë gjuajtën aty. Nuk mund ti bësh me përgjegjësi. Shumë qetësisht komandanti i tha largohu. Mund të ishte evituar kjo skenë, dhe nuk do kishte nevojë për as për vrap as për asgjë.
Enton Abilekaj: Për çfarë duhet ta ndiqte një skuadër policie Sahit Dollapin kur ai u largua me vrap?!
Besfort Lamallari: Përse po flasim për këtë në vend që të flasim për jetën që ishte në rrezik të policisë.
Enton Abilekaj: Polici është në krye të detyrës, do parandaloj një krim dhe është i rrezikuar. Polici është i ekspozuar ndaj një akti kriminal kudo që ndodhen.
