Nga Boldnews.al
Ndërsa gazi lotsjellës kishte mbuluar sytë e qytetarëve të Tiranës në shtëpitë e tyre dhe të protestuesve pas pesë orë histerizëm kimik, shfaqet kryebashkiaku i Bashkisë së Tiranës me një qëndrim që lëshoi edhe më shumë helm.
“Tirana nuk thyhet nga një stan me lepuj”- shkruajti Veliaj në rrjetet sociale, diku i relaksuar me një gotë vere pranë oligarkut të përzgjedhur.
Nuk është hera e parë që ai nxit dhunën, fyen, përbuz, të vret shpirtin e të helmon më shumë se gazi lotsjellës i ministrit Lleshaj. Fyej Lali, fyej Rama, tremb Lleshaj dhe mbajnë jehonë zyrat e përfaqësive diplomatike në vend.
Tirana u shemb në dhunë fizike dhe tryllosje nga gazi kimik, këtë e pa mirë edhe Gerhard Bochart, kreu i OSBE-së në Tiranë. “Organizatorët e protestës së mbrëmjës së sotme (djeshme) duhet të mbajnë përgjegjësinë politike për dhunën kriminale të ushtruar nga disa prej ndjekësit e tyre”- mbajti qëndrim OSBE, një reagim që edhe Elisa Spiropali nuk do e bënte.
Megjithatë u duk shpejt se ky qëndrim i ardhur nxitimthi nga Fuga kryeministror, u zbut vetëm dhjetë minuta më pas… ” Ne përsërisim qëndrimin tonë të palëkundur që dhuna nuk është përgjigja. Gjithashtu, reagimi i rëndë ndaj dhunës nuk ndihmon”-thuhej në reagimin e dytë.
As gazi lotsjellës nuk sjell këtë çoroditje dhe akrobaci qëndrimesh, as rakia e zier dy herë nuk mund ta trulloste kaq shume kreun e zyrës së OSBE. Por kjo ndodhi. Deklaratë që nuk ndihmoi dot qeverinë, por vetëm në “dehje politike” erdhi shprehja “çka barku e nxjerr bardhaku”…
Ngjashmëritë janë të madha, për dy “lalat”, një i bashkisë e tjetri i OSBE-së. i pari fyen, të provokon, të vret dyfish me ironi, përbuzje e ndasi. Urrejtja në dejet e lali Erit për këdo që nuk është Rilindas mbetet e madhe, aq sa po kthehet në rrezik serioz.
Nga ana tjetër, “Lali Gerin” e OSBE-së shpesh e tradhton vetja. Duhet të ishte i përmbajtur pasi përfaqëson një institucion ndërkombëtar ne letra të balancuar, por fatkeqësisht mbajti anë dhe si gjithnjë vetëm nga një kah, nga Rilindja edhe ai. Në situtën e rëndë që kalon vendi anësia, ndasia, urrejtja dhe ndarja e shqiptarëve; në të mirë dhe të këqinj është krimi më i madh që sot po i bëhet vendit.
