Nga Boldnews.al
Shukriu, kryetari Bashkisë Dibër e prishi Rilindjen, sepse u filmua në një aferë seksuale. Kryeministri Rama e bëri shembull, jo se nuk i duron perversitetet e zyrtarëve jargalisur pas seksit, por ai u bë gazi i botës pasi u shfaq një video intime teksa joshte e tentonte marrëdhënie me një vajzë që kërkonte punë. E padurueshme edhe për “brekët e grisura” që iu dukën në filmimet e fshehta. Ja prishi imazhin Rilindjes së Ramës, që në vitin 2016 propagandonte me të madhe se po bënte shtet.
Shukriu Xhelili u shkarkua, duke ia dhënë në duar drejtësisë si një dru të shtrembër që prishëi “stivën e virgjër” të Rilindjes. Rama gjeti një Ramë për kandidat në Bashkinë Dibër, në zgjedhje të parakohëshme për shkak të skandalit seksual. “Muharremi ishte burrë i mirë”-thonë dibranët, të majtë e të djathtë, mjek në profesion, para nuk të kërkonte për një ndërhyrje kirurgjikale, sytë nuk t’i hidhte nga xhepat, por si të gjithë pjesa e sojit profesional, nëse diçka i jepje nuk ta kthente pas.
E ndonjë pasuri e kishte vënë, sa më profesionin mjek, aq edhe me një rrjet farmacishë në qytetin e Peshkopisë. Muharrem Rama triumfoi bindshëm ndaj profesorit të ekonomisë kandidatin e PD-së Shrefedin Shehu. I gjithë shteti zbarkoi në Dibër. Në krye ishte “gjenerali” i votave, Damian Gjiknuri, më pas personazhe të tjerë të Rilindjes, të shkartisur edhe me elementë të botës së biznesit dhe jo vetëm.
Para e madhe u hodh. Pamjet filmike të shitblerjes së votave dolën ende pa u mbyllur numërimi. Gjithashtu PD, rendi drejt prokurorisë, ku kjo e fundit hapi dosjen penale me nr 184 mes të cilëve dalin eksponentë të lartë të PS-së në përgjime telefonike, ku flasin haptas për shitberje votash. Dy vjet që nga moment i hapjes së dosjes dhe ende nuk janë zbardhur as 10 % të përgjimeve. Kjo apati e dukshme e Prokurorisë së Krimeve të Rënda e ka një qëllim, të shpëtojë qoftë edhe përkohësisht Gjiknurin, indirekt edhe kryeministrin Edi Rama.
Po sot Bashkia Dibër ka një tjetër emër për kryetar. Muharrem Rama nuk është kandiduar më, si i preferuar i Rilindjes është Dionis Imeraj. Rrema siç e thërrasin dibranët kryebashkiakun lokal, jo se është akuzuar për ndonjë aferë korruptive, as për paaftësi, por Rilindja kërkon të fshijë gjithçka në të kaluarën e saj mëse të errët në shitblerjen e votave.
Më lehtë e ka të “djegin” Rremën, sesa “gjeneralin e votave”, ose i njohur ndryshe si “Dam guruja”. Për më shumë ky pritet të jetë në “Task Forcën” e zgjedhjeve të “lira dhe ndershme”… Sado të mos ia heqë “spaletat” gjeneralit të tij, Rama dhe Gjiknuri u dogjën për të vendosur me çdo mjet e kosto finaciare Rremën në Bashkinë Dibër.
Nëse drejtësia një ditë, qoftë edhe disi të largët do përplasë Gjiknurin në ndonjë qeli pyetja që do ngrihet. Si është e mundur, gjitha ai ish-ministër që nuk la konncension pa dhënë në miliarda euro të shperndara në disa duar oligarkësh të gjendet në burg për një grusht vota? E rëndë! Shkak për të zbuluar fenomenin e mjaft përhapur të shitblerjes së votave, u bënë një “palë brekë” të grisura…!
