Ditën e sotme në faqen e Këshillit të Ministrave u shpërndanë dy vendime të rëndësishme të marra në mbledhjen e qeverisë, ku një prej tyre ishte ai për administratën vendore.
Në vendimin e qeverisë thuhej se kryeministri Edi Rama ju kishte hequr të drejtat krerëve të bashkive për dhënien e lejeve në prag të zgjedhëseve elektorale të 30 qershorit. Lajm i cili u bë publik në të gjitha mediat.
Madje vendimi për dy VKM-të u dha edhe në deklaratën për shtyp të kryeministrisë, e cila u shpërnda në media.
Por vetëm pak minuta më pas vendimi për pezullimin e të drejtës së kryebashkiakëve për dhënien e tenderave është zhdukur nga faqja e kryeministrisë.
Ja çfarë thuhej në deklaratën e kryeministrisë:
Së pari, me një VKM të posaçme, nga dita e sotme pezullohen të gjithë procedurat e prokurimit nga njësitë e qeverisjes vendore dhe autoritetet kontraktore në varësi të tyre.
Ditën e sotme, qeveria e Shqipërisë miratoi dy vendime shumë të rëndësishme, që lidhen direkt me mbarëvajtjen dhe transparencën e zgjedhjeve lokale të datës 30 qershor. Së pari, me një VKM të posaçme, nga dita e sotme pezullohen të gjithë procedurat e prokurimit nga njësitë e qeverisjes vendore dhe autoritetet kontraktore në varësi të tyre.
Një vendim i tillë merret për të eliminuar çdo mundësi apo alibi të keqpërdorimit të pushtetit në muajt e fundit të detyrës për kryebashkiakët në ikje. Pezullimi do të mbetet në fuqi deri në momentin e dorëzimit të detyrës tek kryebashkiakët e rinj.
Vendimi i dytë adreson një tjetër shqetësim, duke penguar rreptësisht përdorimin për çfarë do lloj arsye apo në çfarë do lloj forme të administratës për qëllime elektorale. Ky vendim nxit paanshmërinë dhe trajtimin e barabartë të kandidatëve në marrëdhëniet me administratën publike dhe burimet e saj.
Këto masa kanë një qëllim të vetëm, që këto zgjedhje të jenë më të mirat në historinë e demokracisë shqiptare, duke ofruar një transparencë të plotë dhe standartet europiane që do t’i hapin rrugën e negociatave të anëtarësimit vendit tonë.
VKM ëhstë rikthyer sërish në faqen e kryeministrisë vetëm pak minuta më pas. Por nuk dihet ende arsyeja se përse VKM u hoq njëherë nga faqja, dhe kush e urdhëroi një lojë të tillë?
