Një tjetër emër nga listat e LSI ka dorëzuar sot formularin e dekriminalizimit në KQZ, duke i hapur rrugë pranimin të mandatit të deputetit. Mësohet se ajo është Suzana Topi, 55 vjeçe, e cila ishte pjesë e listave të LSI si kandidate për deputete në Qarkun Elbasani (e shtata) në zgjedhjet e fundit parlamentare.
Sot në Kuvend u betuan tre kandidatë, ndërsa kandidati tjetër nga lista e PD, Indrit Hoxha refuzoi të bëjë betimin.
Nismës së opozitës së bashkuar për të qenë jashtë parlamentit, që e quajnë të kriminalizuar, nuk i janë bindur disa deputetë apo kandidatë për deputetët në zgjedhjet parlamentare të 2017-ës. Disa syresh, si Rudina Hajdari, Lefter Koka apo Myslym Murrizi, nuk dorëzuan mandatin e deputetit. Ndërsa të tjerë pranuan të zinin venet vakante në parlament, pas dorëzimit të mandateve nga deputetë të opozitës. Dy grupimet krijuan kështu të ashtuquajturën “opozita e re”. /bn/
