Këtë të diel, në orën 16:30, Partizani do të luajë si pritës në stadiumin Selman Stërmasi, ndaj Tiranës.
Derbi i kryeqytetit këtë herë mund të ketë një shijë speciale për të kuqtë të cilët mund të zyrtarizojnë titullin kampion që mungon prej shumë viteve përballë rivalëve më të mëdhenj. Në këtë situatë në stadium pritet një dyndje e tifozerisë së Partizanit. Në këtë formë klubi ditën e sotme ka bërë njoftimin zyrtar rreth biletave.
Duke qenë se Partizani është ekipi pritës, atëherë pjesa më e madhe e stadiumit do të jetë e mbushur me tifozët e kuq. Ndërkohë sa i përket çmimeve, një vend në tribuna do të kushtojë 2500 lekë të reja, ndërsa në tribunat përballë bileta kushton 500 lekë të reja.
INFORMACION për ÇMIMET E BILETAVE
FK PARTIZANI – KF TIRANA
E DIEL 12 MAJ ORA 16:30
Ju njoftojmë se për këtë takim çmimet e biletave në Tribunat respektive të stadiumit “Selman Stërmasi” do te jenë:
Biletat në Tribunat A1, A2 dhe B1 , B2 do të kushtojnë 2 500 Lek (të reja)
Biletat në Tribunat C1,C2,D1,E,F,G1,G2,H1,H2 do të kushtojnë 500 Lek (të reja)
Tifozeria kuqe do të ketë në dispozicion Tribunat: B1,B2,C1,C2,D1,E,F,G1,G2
Tifozeria bardheblu do të ketë në dispozicion Tribunat: A1,A2, H1,H2
Biletat do të mund ti siguroni duke filluar nga dita e Mërkurë e në vazhdim ora 10:00 deri 19:00 pranë pikës së shitjes, në stadiumin “Selman Stërmasi”.
Gjithashtu Biletat mund ti gjeni edhe pranë dyqanit “Joma” Sponsori Teknik i skuadrës, pranë Godinës “ETC” te Rruga e Elbasanit.
