27 doza kokainë, 740.000 lekë, 1000 euro, dy aparate celulare dhe një automjet janë sekeustruar në qytetin e Kavajës ndërsa një 51-vjeçar ka rënë në pranga.
Sipas burimeve zyrtare, policia e ka gjetur drogën e dhe paratë që dyshohet se janë siguruar nga shitja e narkotikëve, në banesën e 51-vjeçarit në Kavajë.
“Në përmbushje të prioritetit për parandalimin dhe ndëshkimin e veprimtarisë kriminale në fushën e narkotikëve , Seksioni i Policisë kriminale i Komisariatit të Policisë Kavajë në bazë të informacione të siguruara në rrugë operative se një shtetas merrej me shpërndarje të lëndëve narkotike të forta në doza të vogla, kanë organizuar punën dhe në bashkëpunim me Patrullën e Përgjithshme, kanë zhvilluar operacionin e koduar ‘PEDONALJA;”, njoftoi Policia.
“Si rezultat i operacionit , në një lokal në Pedonale të qytetit Kavajë , shërbimet e policisë kapën në flagrancë shtetasin N.B,,51 vjeç, lindur në Kavajë.
Gjatë kontrollit fizik dhe në banesë policia gjeti dhe sekuestroi : 27 doza të dyshuara lëndë narkotike Kokainë, 740.000 lekë, 1000 euro, që dyshohet se janë përfituar nga shitja e lëndës narkotike, si dhe dy aparate celulare, që i përdorte për të siguruar klientelë dhe një automjet që shpërndante lëndën narkotike.
Materialet procedurale do t’i kalojnë Prokurorisë pranë Gjykatës së Shkallës së Parë Kavajë, për veprime të mëtejshme hetimore për veprën penale të ‘Prodhimi dhe shitja e lendëve narkotike'”, shtuan të njëjtat burime.
