Kujtim Gjuzi deputeti që bëri ditën e sotme betimin si deputeti më i ri i uvendit të Shqipërisë, ka treguar se si kryeministri Edi Rama e ka shkarkuar ish-ministrin e brendshëm Saimir Tahiri pas një mesazhi të dërguar nga vetë Gjuzi.
Në një intervistë për Dosja.al, Kujti Gjuzi tha se më datë 20 i ka dërguar një mesazh kryeministrit Edi Rama. Sipas Gjuzit përmbajtja e atij mesazhi ka bërë që disa ditë më vonë Rama të shkarkojë Tahirin nga posti i ministrit të brendshëm.
“Kam komunikuar me kryeministrin, me SMS kur është shkarkuar ministri i Brendshëm. Më datën 25 të tetorit, pas mesazhit të Kujtim Gjuzit është shkarkuar ministri i Brendshëm. Pyeteni Edi Ramën a ka SMS apo jo. Më 20 tetor 2017, pyeteni Edi Ramën, në orën 8 e 5 minuta, ke SMS nga Gjuzi në drejtim të ministrit të Brendshëm Saimir Tahiri, po apo jo. Dhe megjithatë ai ka vepruar shkëlqyer dhe unë s’mund të them që s’ka vepruar. Ka vendosur një katolik në krye të Ministrisë së Brendshme, ku nuk ka qenë për 78 vite që nga koha e Ahmet Zogu i Parë, Mbreti shqiptar,”- tha Gjuzi ndër të tjera.
Kujtim Gjuzi është një nga kandidatët për deputet që ka dalë nga listat shumë-emërore të Partisë Demokratike në qytetin e Durrësit.
