Ish-deputeti i LSI-së Përparim Spahiu shprehet se, ulja e borxhit dhe konsolidimi fiskal është kthyer në një makth për të gjithë ne.
Në një reagim një ditë pas deklaratës së misionit të FMN-së në Tiranë, eksperti i ekonomisë shprehet se “Borxhin Publik askush nuk e di se sa është në të vërtetë”.
:Në pothuajse të gjitha takimet me FMN, kemi ngritur problemin e borxhit publik, PPP-ve si borxh i fshehur, por dhe borxhe të tjera që qeveria ka krijuar, sidomos nga mungesa e rimbursimit të TVSH-së, madje kjo e kthyer në një mekanizëm korruptiv, ku bizneseve ju kërkohet minalisht 20% nga shuma totale për tu rimbursuar (dmth të kërkosh lekët e tua duhet të paguash ryshfet minimalisht 20% të shumës).
Në mënyre metaforike ju kemi thënë që ju (FMN) që kredinë e dhënë Qeverisë rrezikoni mos t’ju paguhet.
Dhe ja ku jemi sot, ajo që prej gjashtë vitesh ka qenë “flamuri” i Rilindjes, ulja e borxhit dhe konsolidimi fiskal, është kthyer në një makth për të gjithë ne…!!!
Borxhin Publik askush nuk e di se sa është në të vërtetë..!!!”, shkruan Spahiu në një postim në Facebook.
