Një ngjarje e rëndë ka ndodhur gjatë mesnatës së të hënës në Korçë.
Tre hajdutë të maskuar me uniformat e policisë kanë hyrë më dhunë në banesën e një biznesmeni në Korçë duke përfituar nga errësira dhe mungesa e dritave në atë zonë.
Ata kanë lidhur dy bashkëshortët që ndodheshin në banesë, Novruz dhe Sadete Vila për të grabitur të qetë çfarë ndodhej në shtëpi. Grabitësit e maskuar si policë kanë marrë 1.6 milionë lekë dhe më pas janë larguar me shpejtësi nga banesa. Gjithashtu mësohet se grabitësit kanë dhunuar fizikisht pronarët e shtëpisë për më shumë se 30 minuta. Nga dëshmia e çiftit, njëri prej grabitësve kishte dialekt verior.
“Më lidhën duar e gojë”/ Biznesmeni nga Korça rrëfen grabitjen, zbardhen detaje të reja
