Kryeministri Edi Rama, i cili prej 6 vitesh qan e mallëngjehet sa herë viziton varrezat e “Dëshmorëve’ në 5 maj, duket se ka patur tjetër mendim, për heronjtë që çliruan Shqipërinë nga nazi-fashizmi.
27 vjet më parë në një shkrim të tijin të titulluar ‘Refleksionet për Dëshmorët’ në librin ‘refleksione’, të shkruar nga ai dhe miku i tij Ardian Klosi, kryeministri i Shqipërisë shfryn në urrejtje dhe vulgaritet ndaj dëshmorëve të atdheut, duke i quajtur ata një gjak i rremë.
Ja çfarë shkruante Rama në 1992:
Tek Libri REFLEKSIONE 1992
U ulëm të zbërthenim mitologjinë e 28 mijë dëshmorëve. Gjaku i rremë në themel të kolltuqeve nisi tërmetin. Duhet pranuar më në fund hapur që lufta kundër okupatorit degjeneroi në një luftë të përgjakshme civile… shkaktare e së cilës ishte Partia Komuniste Shqiptare e drejtuar nga emisarët jugosllavë». Histeria e luftës për pushtet që kishte projektuar gjenerali Enver Hoxha dhe marrja e pushtetit me dhunë që ka qenë thelbi i çdo lëvizjeje komuniste, është shkaku i vetëm që ajo luftë kundër okupatorit degjeneroi në luftë civile. Pra çështja e pushtetit është argumenti që zbulon edhe shkakun e tradhtisë që komunistët i bënë demokracisë dhe kombit shqiptar. Prandaj dhe nuk kanë asnjë kuptim thirrjet për harresë dhe për mbyllje dosjesh, kur nuk janë zgjidhur problemet kardinale si Lufta Civile, terrori ndaj inteligjencës e ndaj klerit menjëherë pas luftës dhe në faza të mëvonshme, terrori ndaj rezistencës së organizuar antikomuniste deri në periudhën 1952-1953, qëndrimi ndaj emigracionit politik. Denoncimi pa kompromis i veprimtarisë kriminale të PPSH-së deri në nxjerrjen e saj jashtë ligjit është i vetmi shteg nga duhet të kalojë PSSH-ja për të fituar të drejtën e qytetarisë në shoqërinë e ardhshme shqiptare
