E ndërsa opozita ka deklaruar se nuk do të hyjë në zgjedhjet përsa kohë Edi Rama është kryeministër, subjektet që janë regjistruar në KQZ nuk po ngurojnë të shpallin kandidatët e tyre.
Përveç Partisë Socialiste, e cila po vijon procesin dhe brenda kësaj jave zyrtarizon 61 kandidatët e saj për kryebashkiakë, edhe subjekte të tjera politike, që duket se kanë hyrë në garë për të plotësuar numrin po shpallen emra kandidatësh.
Kështu veç konservatorëve të drejtuar nga Kujtim Gjuzi, edhe Kristian Demokratët po përzgjedhin emrat e tyre.
Marenglen Kociu, ka njoftuar kandidimin për Bashkinë e Gjirokastrës.
Përmes një postimi në faqen e tij në Facebook, Kociu shkruan se do jetë kandidat i Partisë Kristian Demokrate. Ai nuk saktëson nëse garon për postin e kryebashkiakut apo për të qenë thjesht anëtar i Këshillit Bashkiak.
Por ajo që bie në sy është fakti se Koçiu pretendon se ka edhe mbështetje nga Izraeli e Holanda, si dhe kryeministri I Kosovës, Ramush Haradinaj.
Për më shumë lexoni postimin e kandidatit të vetëshpallur.
