Një biznes ka rënë pre e grabitjes në orët e para të mëngjesit të sotëm.
Persona të maskuar raportohet se rreth orës 03:00 kanë grabitur nga një biznes në Patos, që i përket shtetasit M.K, një sasi të konsiderueshme parash.
Mësohet se grabitësit kanë marrë 2800 euro, 60 mijë lekë, dhe dy automjete të tipit “Audi” dhe “Range Rover”.
Pronari i biznesit ka bërë denoncimin në polici duke sqaruar se nuk ka asnjë konflikt të mëparshëm.
Mendohet se autorët mund të kenë qenë më shumë se dy, ndërsa tashmë janë marrë edhe pamjet e kamerave të sigurisë dhe nga ana e policisë po punohet për zbardhjen e shkaqeve të ngjarjes si dhe kapjen e autorëve.
