Nënkryetari i PD, Edi Paloka ka deklaruar sot se kërkesa për të futur në kalendarin e Kuvendit reformën në drejtësi është një provokim nga opozitës, parlamentarizmit dhe qytetarëve.
“Kërkesa për të futur në kalendarin e Kuvendit projektin për kapjen politike të gjyqësorit është një provokim i rëndë ndaj opozitës, parlamentarizmit dhe qytetarëve shqiptarë që nuk mund ta konceptojnë kurrë reformën e domosdoshme në drejtësi si një dorëzim peshqesh të drejtësisë tek Edi Rama”, ka thënë Paloka.
Sipas tij, rruga e vetme për miratimin është zbatimi i rekomandimit 88 të Venecias ndërsa çdo akt tjetër është shpallje lufte ndaj opozitës.
“Rruga e vetme për miratimin e Reformës në Drejtësi që nuk mbron por lufton krimin dhe korrupsionin është zbatimi i plotë i rekomandimit 88 të Venecias. Çdo akt tjetër është shpallje lufte ndaj opozitës, parlamentit dhe aspiratës popullore për drejtësi të pavarur. Dhe fundi i kësaj betejë padyshim nuk do të jetë fitorja por shkrumbimi i oligarkisë kriminale dhe të korruptuar të Edi Ramës”, ka deklaruar nënkryetari i PD.
