Kreu i opozitës, Lulzim Basha, u ka bërë apel ndërkombëtareve që mos i heqin vizat shqiptarëve. Ai tha se nuk meritojnë shqiptarët të ndëshkohen për faj të një kryeministri.
Ai tha se shqiptarët do ti vënë vizën, Ramës dhe bandave të tij kriminale.
“Kjo sakrificë, kjo betejë që kemi nisur së bashku ka transformuar Shqipërinë. Sot shqiptarët e bashkuar rreth opozitës janë mazhoranca e re politike dhe numerike në vend. Unë ju jap fjalën se jemi bashkë jo vetëm për një rotacion politik, por mbi të gjitha për t’i dhënë fund tranzicionit në Shqipëri dhe për t’i hapur Shqipërisë rrugën drejt BE. Pa votën e lirë pa zgjedhjet e lira, nuk mund t’i japim fund mjerit dhe papunësisë. Pa një qeveri legjitime është e pamundur që investitorët e huaj apo vendas t’i hapin rrugë vendeve të reja të punës. Ne e dimë fare mirë që një qeveri e përkushtuar për fatin e qytetarëve bën realitet edhe ato që dukem të pa mendueshme, siç ne bëmë realitet shpimin e Kërrabës. Ashtu siç do të bëjmë realitet ëndrrën europiane. Ne i hoqëm vizat, futën vendin në NATO, por sot është e pamundur të futemi në BE. Sot ju them miqve tanë europiane dhe ju them, mos ndëshkoni shqiptarët, se ne do i heqim vizën Ramës, krimit, korrupsionit, ne do ta çlirojmë Shqipërinë nga qeverisja e lidhur me krimin dhe korrupsioni”, tha Basha.
