Gjykata e Krimeve të Rënda nuk ka pushuar çështjen ndaj Admir Muratajt, i cili po gjykohet për 3 grabitjet e ndodhura në 2015, 2016 dhe 2017, të parave të bankave të nivelit të dytë.
Megjithëse në grabitjen e fundit, atë të 9 prillit 2019, është deklaruar se Murataj ka mbetur viktimë si pasojë e shkëmbimit të zjarrit, duket se mungesa e akt-ekspertimit për vdekjen e tij, ka bërë që trupi gjykues në Gjykatën e Krimeve të Rënda të mos pushojë çështjen në ngarkim të tij.
Senaca e gjykimit është shtyrë deri në paraqitjen e akt-ekspertimit. Seanca kishte si objekt pushimin e çështjeve, kërkuar nga prokuroria, në ngarkim të tij për grabitjet e viteve më parë.
Sipas prokurorisë, çrregjistrimi i Muratajt nuk është bërë ende në Tropojë dhe se akt ekspertimet vërtetojnë katërcipërisht vdekjen e tij. Prokurori është mjaftuar në seancë me deklaratën se gjurmët e gishtërinjve të personit që u vra në shkëmbimin e zjarrit me policinë përkojnë me ato të Admir Muratajt, ndonëse akt-ekspertimi nuk ka ardhur ende.
Një ditë më parë u raportua se në akt-ekspertizën mbi ngjarjen e ndodhur në 9 prill, mjeku ligjor nuk ka firmosur nëse viktima është ose jo Admir Murataj.
Murataj u identifikua nga familjarë të tij, ndërsa ndodhej në morgun e Tiranës.
Seanca e rradhës do të zhvillohet më 14 maj.
