Operatori Shpërndarjes së Energjisë Elektrike ka njoftuar se ditën e sotme do të mbeten pa energji disa zona të caktuara të kryeqytetit.
OSHEE tha se energjia do të ndërpritet për shkak të punimeve në kabinën “Besa1”, në vijim të investimit për rikonstruksionin e kabinave.
Sipas njoftimit energjia elektrike do të stakohet në rrugën “Preng Doçi” pranë nënstacionit Rajonal në rrugën “Siri Kodra” gjatë intervalit kohor 23:00-05:00.
Gjithashtu, OSHEE tha se do të ketë stakim të energjisë elektrike në datat 2-4 maj përkatësisht në datën 2 maj në intervali kohor 9:30-14:30 do të mbetet pa energji: rruga “Petro Marko”, pranë rrugës “Asim Vokshi”. Më 3 maj do të mbetet pa energji rruga “Memo Meto” pranë rrugës “Ferit Xhajko” gjatë intervalit kohor 9:30-14:30 dhe në datën 4 maj energjia do të stakohet në rrugën “Mine Peza” pjesërisht gjatë intervalit kohor 9:30-14:30.
