Rreth 44% e evropianëve të anketuar nuk dëshirojnë që Shqipëria të jetë në Bashkimin Europian.
Duke iu referuar një anketimi të kryer nga “Yougov”, një kompani ndërkombëtare me qendër në Londër, për kërkime analitike në treg, ka rezultuar se Shqipëria është e para më pak e preferuar nga banorët e Evropës.
Ndërsa vendin e dyte e zë Kosova. Pyetjeve të anketës i janë përgjigjur qytetarët e ndryshëm të 7 vendeve të Bashkimit Europian.
Vendet e anketuara janë, Gjermania, Franca, Suedia, Norvegjia, Finlanda, Danimarka dhe Britania e Madhe. Anketa është kryer në muajin Dhjetor të 2018.
Theksojmë se banorët evropianë që na duan më pak janë francezët, pasi vetëm 13% e tyre na shohin si pjesë të BE-së.
Ata që habitin janë gjermanët, pasi rezultojnë të dytët që nuk na dëshirojnë. Vetëm 21% e tyre janë dakord që Shqipëria të jetë pjesë e unionit.
