Tragjike në Turqi. Mbrëmjen e kaluar, një minibus që kishte në bord shtatë lojtarë të ekipit të Superligës turke, Alaniaspor ka pësuar një aksident, ku ka ndërruar jetë futbollisti Josef Sural.
Babai i dy vajzave të vogla, i cili ishte dhe pjesë e kombëtares çeke, është transportuar me urgjencë drejt spitalit, por plagët e marra kanë qenë të rënda dhe 28-vjeçari ka ndërruar jetë. Gjithashtu, në minibus ishin dhe lojtarë të tjerë, por për momentin janë jashtë rrezikut për jetën.
Sipas asaj që ka thënë dhe presidenti i klubit, duket se aksidenti ka ardhur si pasojë e përgjumjes së shoferit.
Një ngjarje e rëndë që futbollin e vendos në plan të dytë për momentin…
