Policia e Shtetit arrestoi sot një tjetër person si të dyshuar për grabitjen e 9 prillit në pistën e aeroportit Nënë Tereza, duke e çuar në 6 numrin e të ndaluarve për ngjarjen e rëndë.
Lidhur me këtë ka reaguar nënkryeministri Erjon Braçe, i cili përmes një postimi ka përshëndetur punën e policisë.
Por postimi i Braçes është pasuar nga shumë komente të tij në rrjet, ndërsa duket se nënkryeministri ka humbur qetësinë, veçanërisht nga komentet e një prej ndjekësve.
Kjo e fundit i ka kërkuar llogari Braçes për mënyrën e komunikimit, ndërsa nënkryeministri është përgjigjur se profile në rrjet është personal dhe jo i një zyrtari.
