Kryeministri Edi Rama ka kërcënuar me burgosje mbështetësit e opozitës, të cilët kundërshtojnë zgjedhjet farsë.
Nga eksponentë të opozitës, është hedhur ideja se zgjedhjet lokale duhet të pengohen për të shmangur blerjen e tyre nga kryeministri Edi Rama. Ky akt, sipas tyre, mund të vijë në kushtet kur me kreun e qeverisë, të lidhur ngushtë me krimin dhe me para të pista gati të blejnë vullnetin për të zgjedhur të shqiptarëve mes halleve, cënohet seriozisht zgjedhjet.
Në përgjigjen e tij nga foltorja e Kuvendit, kryeministri Edi Rama paralajmëroi burgosje për të gjithë ata, të cilët pengojnë zgjedhjet. Për Ramën nuk ka rëndësi nëse ideali mbeten zgjedhjet e lira, pengimi i tyre, edhe pse farsë dhe të blera, meriton burgun. Pjesëtaret e këtij grupi, Rama i quajti budallenj dhe u lëshoi një sfidë: Shkoni provojini se iu pret burgu!
“Gjatë kësaj kohe që mos të behët për budalla njeri duhet ta mësojë që pengimi i subjekteve zgjedhore sipas ligjit të votuar në parlament kur shumicë ishte Berisha dënohet 1-5 vjet burg. Falsifikimi i materialeve zgjedhorë dënohet 1-5 vjet burg. Dëmtimi me dashje i materialit zgjedhore dënohet deri në 5 vjet burg. Korrupsioni në zgjedhje 1-5 vjet burg. Kanosja ose dhunimi ndaj pjesëmarrësve në zgjedhe 3 muaj 3 vjet. Kanosja ose dhunimi që i bëhet komisionit ose zhvilluesit kur është në bashkëpunim, deri në 2 vjet burg. Pengimi i zgjedhjeve 1-5 burg dhe kur bëhet në bashkëpunim 3-7 vjet burg. Nëse në Shqipëri ka budallenj që për hatër të Lulit apo pse filxhani se ka nxjerrë akoma qartë dhe duhet ta bëjmë një rrëmujë, le të shkojnë, le ta provojë”, tha Rama. /Boldnews.al/
