Prefekti i qytetit të Shkodrës, Valdrin Pjetri ka shkaktuar jo pak zhurmë gjatë kohës së fundit, që pas emërimit të tij në krye të prefekturës.
Gjatë ditës së sotme, ai ka shkarkuar nga detyra kreun e Postës së Shkodrës duke zëvendësuar atë me kryetarin e Partisë Socialiste në këtë qytet. Bëhet fjalë për Edmond Eminin.
Më parë postin e drejtorit të Postës Shqiptare në Shkodër e ka mbajtur Paulin Ndoja, i cili është shkarkuar. Prefekti Pjetri paralajmëroi furtunë në drejtoritë e Shkodrës duke i konsideruar shumë prej tyre në gjumë.
