Kryeministri Edi Rama, dy vjet më parë nxori një listë me 100 zyrtarë nga qytetarët si abuzues me detyrën dhe korruptuar.
Sektori që numëroi më shumë denoncime ishte shëndetësia, ku pati denoncime jo vetëm për doktorë dhe infermier por edhe për drejtues të spitaleve.
Kujtojmë se pjesë e “listës së zezë”, të Ramës është edhe Ediola Braho, e cila ka qenë edhe drejtoresh e Spitalit të Tepelenës në atë kohë.
Megjithatë, pavarësisht se Braho ishte në listën e zyrtarëve të denoncuar prej vetë Ramës si një prej zyrtarëve të denoncuar për korrupsion, sot ajo është bërë pjesë e Parlamentit, e dalë prej listave zgjedhore të LSI, pasi opozita dogji mandatet në fund të shkurtit.
Ediola Braho prej disa javësh është bërë pjesë e të ashtuquajturës ‘opozita e re’, ndonëse u përmend nga vetë kryeministri si një zyrtare e denoncuar për abuzime me detyrën.
