Grabitja e 10 milionë eurove në Rinas, ishte një goditje e rëndë për sigurinë kombëtare, e cila tregoi se sa e pasigurtë është Shqipëria dhe jeta e qytetarëve shqiptarë.
Grabitja e ndodhur më 9 prill është një përgjegjësi direkte e qeverisë, aq më tepër kur të paktën dy ministra, Belinda Balluku dhe Sandër Lleshaj, kanë drejtuar bordin e Aviacionit Civil, një institucion që ka përgjegjësi direkte mbi sigurinë në aeroport.
Në kushte të tilla, Qeveria dhe çdo mbështetës i saj, publik ose jo, e ka pasur të vështirë të justifikohet, aq më tepër kur kjo ishte grabitja e 3 që ndodhte në Rinas ose pranë tij, dhe pikërisht kryeministër është i njëjti Edi Rama.
Për të ndaluar këtë rënie të lirë, ‘specialistët’ e Ramës inskenuan një tjetër teatër të ngjashëm me atë të ‘Babales’, ku u bë personazh Fredi Alizoti.
Rilindasit për të treguar se ata kanë gjithçka nën kontroll dhe se janë të aftë të zbulojnë në kohë rekord grabitësit e Rinasit, kanë filluar të vënë në lojë aktorët e tyre nën mëngë.
Sot në të gjitha mediat u dha lajmi se është arrestuar edhe grabitësi i pestë, Elton Pikli, i cili është ndaluar duke shkuar në Bullgari, pikërisht përmes Rinasit.
Edi Rama dhe Sandër Lleshi nxituan të dalin menjëherë në rrjetet sociale, të flasin për suksesin, por edhe sot pas dy javësh nga grabitja, variant i thënë nga ministri i Brendshëm, është ai që paratë mund të jenë djegur. Pra me pak fjalë, mos prisni që këto para mund të gjenden.
Pjesa më e madhe e raportimeve mediatike ishte lajmi se njëri prej të dyshuarve ishte kapur, duke çuar në 5 ato që sot ndodhen në pranga. Por me një kërkim të thjeshtë, i arrestuari Elton Pikli, që sot rezulton si një nga ata që realizuan apo organizuan grabitjen e Rinasit, na paska qenë kandidat për anëtar për këshillin bashkiak të Krujës, dhe garonte nën siglën e Aleancës Arbnore Kombëtare të Gjet Ndojit.
AAK e Ndojit ka qenë pjesë e koalicionit Aleanca për të Ardhmen në vitin 2011, e kryesuar nga PS e Edi Ramës. Gjithashtu AAK e Ndojit ka qenë pjesë e koalicionit socialist edhe në vitin 2013-të si dhe në vitin 2015-të.
Madje pas fitores në zgjedhjet e 2013, Ndoji morri postin e Drejtorit të Arkivave të Shtetit, një pozicion që dukej se ishte qoka që kryeministri poi jepte atyre që kishte në krah gjatë fushatës.
Nuk dihet nëse Ndoj mund t’i ketë afruar ndonjë pozicion në administratë të arrestuarit të sotëm, i cili as më shumë dhe as më pak, do të shtonte listën e personazheve të inkriminuar që u strehuan çuditërisht nga Rilindja ose si kandidatë ose si pjesë e administratës.
Ndoshta në atë kohë kandidati i aletait të Ramës mund të ketë qenë serioz, pa probleme me ligjin. Por fakti që sot thuhet se është pjesë e një grabitjeje të madhe, atëherë të paktën ka pasur prirje kriminale.
Gjithsesi ajo që mund të thuhet sot është fakti se me hir apo me pahir, për të shpëtuar nderin apo pushtetin, Rilindja po i shet kandidatët, aleatët, zyrtarët e drejtorët nën moton ‘T’ja fusim njëri-tjetrit, e ti mbushim mendjen popullit për unitet’.
