Felix Kroos, vëllai i Toni Kroos, ka deklaruar se mesfushori i Real Madrid vlen 120 milionë euro, plus futbollistin e Juventus, Paul Pogba, pasi është futbollistë i mirë në pozicionin e tij, në të gjithë planetin. 25-vjeçari Felix, i cili luan për skuadrën Union Berlin, iu përgjigj zërave që flasin për një largim të Toni Kroos nga Real Madrid për t’i liruar vendin Paul Pogba.
26-vjeçari Kroos luajti 44 ndeshje me Real Madrid, gjatë sezonit të kaluar, në të gjitha veprimtaritë, por shënoi vetëm një gol, ndërsa Pogba shënoi 10 gola në 49 ndeshje me Juventus, që fitoi kupën dhe kampionatin në Itali. Gazeta “AS” ka publikuar deklaratën e vëllait të Toni Kroos I pyetur në lidhje me bisedimet e mundshme mes Real Madrid dhe Juventus, Felix Kroos deklaroi: “Një ditë më parë lexova në shtyp se Juventus do të shiste Pogba te Real Madrid vetëm për 120 milionë euro, plus Toni Kroos.
Eshtë diçka që më ka habitur shumë, pasi është krejtësisht e kundërta. Juventus do të paguajë 120 milionë euro dhe të jap Paul Pogba, për të marrë Tonin nga Reali. Vëllai im është futbollisti më i mirë në botë në rolin e tij. Paul Pogba në duel me Ansi Agollin gjatë ndeshjes Francë-Shqipëri 2-0 Paul Pogba e nisi nga stoli ndeshjen e fundit të luajtur për Francën në Marsejë, ku “gjelat” e Deschamps fituan 2-0 ndaj Shqipërisë, duke ruajtur 100% të pikëve pas dy ndeshjeve të para në Grupin A. Nga ana tjetër, Toni Kroos luajti ditën e diel në ndeshjen ku Gjermania fitoi 2-0 ndaj Ukrainës, në paraqitjen e parë të kampionëve të botës në kampionatin e sivjetshëm europian.
