Shumë shqiptarë në shtetin Grekë, po bëjnë më shumë se një muaj që presin pasaportat. Këto pasaporta që duhet të kishin ardhur përpara dy javësh,por edhe pse ka kaluar mbi një muaj ata sërish kanë ngelur pa pasaporta.
Këtë denoncim e ka bërë publik gazetari Shpëtim Zinxhira , i cili ka raportuar se rreth 500 shqiptarë presin që të marrin pasaportat.
Pas vjedhje së 100 pasaportave brenda në makinën diplomatike në Athinë më 13 shkurt, tashmë asgjë sipas tij nuk funksionon si më parë ku pasaportat merreshin pas dy javesh. “Asnjëherë më parë nuk ka ndodhur vonesa të tilla pasi dikur punohej, ndërsa sot jo. Por… Askush nuk po mban përgjegjësi për këtë vonesë në një kohë të Pashkës, ku jo pak po rreth 500 shqiptarë janë në pritje. Luksi i shfrenuar brenda ambasadës, ndërrimi i personelit sipas deshirave te kreut te kesaj përfaqësie, mos serioziteti në punë se dikush duhet të merret me këto pasaporta ka sjellur këtë gjendje”, thotë Zinxhiria.
Ai argumenton se mënyra e zgjidhjes se si duhet të vijnë pasaportat që nga ngjarrja e 13 shkurtit, ka çuar në ngërçin e këtij problemi. “Por aq e vështirë është për të zbatuar ligjin dhe për ti sjellë ato nga Shqipëria? Shtet ku je emigrantët kërkojnë pasaportat …!?”.
